Ereagako Portua
eraikitako euskal ondare nabaria GetxonEreagako portua arrantzaleen txalupentzako ditxo bat eraikitzeko premiaren aurrean eraikitako lehenengo portua da. Eraikuntza honen ekimena arrantzaleen kofradiatik sortu zen eta Bizkaiko Jaurerriak emandako diru-laguntzari esker burutu ahal izan zen. Portu bitxi bat da eta Usategi mendi-hegalaren atzean dago kokatuta. Defentsa-kai bat da, eta kostaldearekin elkartzeko kaiaren amaierako zatian betegarri bat eta forma erdizirkularreko dike bat jarri dira. Biekin ahokadura estuko kai bat babestea lortzen da, eta kai horrek hego-ekialdean arrapala bat eta eustorma bat ditu. Eskaileraren bidezko hainbat sarrera ditu. Hormak silerian eta harri-horman landu dira.1626 urte inguruan eraiki zen, eta hainbat erreforma eta konponketa egin dira. Bilboko kanpoko portua eraiki ondoren, Bilboko babespetik at geratu zen eta Abrako portua sortu zenean, 20ko hamarkadan, "Portu Zaharra" izena jarri zitzaion. 50eko hamarkadan berreskuratzen saiatu ziren, eta hormaren eta kostaldearen arteko hutsunea bete zen; duela gutxi arte hortxe bertan zegoen "Las Piscinas" izeneko kirol elkartea.